என் வீட்டுக்கு வரும் வழி

மதுரை குலமங்கலம் ரோடு எஸ். ஆலங்குளம் ஸ்ரீ ராகவேந்திரா நகர் என்னும் இடத்திற்குச் செல்லும் ரோடு இதுவே. 

23 ஜூலை 2022 அன்று ரோட்டைத் தோண்டினார்கள். குழாய் பதித்தார்கள். மூடினார்கள். 

இன்று பெய்த மழைக்கு,  தோண்டப்பட்ட இடங்களில் ரோடுஅமுங்கி விட்டது. என் வீட்டின் எதிரே உள்ள ரோட்டின் படத்தை கீழே காண்கவும்.

பிற பின்பு, வணக்கம்.

அன்புடன்

ஆறுமுகம் நடராஜன்

பொன்னமராவதி புதுப்பட்டி, 

தற்போது மதுரையில் இருந்து.

புதுசு புதுசா கிளப்புறாங்க சோஷியல் மீடியாவில்

அண்மையில் ஃபேஸ்புக்கிலும் வாட்ஸ்ஆப்பிலும் நான் கண்ட புதுக் கிளப்பல்:

திருமண அழைப்பிதழில் உள்ள சுவாரசியமான விஷயம் என்ன?

நாம அடிக்கடி பார்க்கிற திருமண அழைப்பிதழிலேயே பெரிய தகவல் உள்ளது.

மணமகன் / மணமகள் பெயருக்கு முன் திருவளர் செல்வன் / திருவளர் செல்வி என இருந்தால் அந்த திருமணம் அக்குடும்பத்தின் மூத்த மகன் / மகளின் திருமணம்.

திருநிறைசெல்வன் / திருநிறை செல்வி என இருந்தால் அந்த திருமணம் அக்குடும்பத்தின் இளைய மகன் / மகளின் திருமணம்.

திருவளர்செல்வன் / செல்வி எனக் குறிப்பிடும்போது நடக்கவுள்ள திருமணம் எங்களது இல்லத்தின் மூத்த மகன் / மகளின் திருமணம்.

எங்களுக்கு இளைய மகன் / மகள் உள்ளதால் எங்கள் இளைய மகனுக்கு திருமண வயது நிரம்பும் போது உங்கள் வீட்டுக்கு பெண் / பையனுக்கு திருமண வயது நிரம்பியிருந்தால் மாப்பிள்ளை / பெண் கேட்டு எதிர்காலத்தில் நாங்கள் ‌‌வரலாம் என்பதை சூசகமாக குறிப்பது.

இதே திருநிறைசெல்வன் / திருநிறைசெல்வி என்று குறிப்பிட்டிருந்தால் எங்கள் வீட்டில் திருமணங்கள் நிறைவுற்றன. இதுவே எங்கள் வீட்டின் இறுதித் திருமணம். இனி எங்கள் வீட்டில் திருமண நிகழ்வுகள் இல்லை என்று உணர்த்துவது.

இவ்வாறு தவறான விளக்கம் கொடுக்காதீர்கள். தமிழைக் கெடுக்காதீர்கள்.

திருவளர்செல்வன், திருநிறைசெல்வன், திருவளர்செல்வி, திருநிறைசெல்வி ஆகிய இந்நான்கும் வினைத்தொகை. செல்வம், அழகு முதலியன வளர்ந்த, வளர்கின்ற, வளரும், நிறைந்த, நிறைகின்ற, நிறையும் என்று முக்காலங்களையும் குறிக்கும். வினைத்தொகை என்பதால் வலிமிகா இடம். ஒற்று வராது. ஆகவே திருவளர்ச்செல்வன், திருநிறைச்செல்வன், திருவளர்ச்செல்வி, திருநிறைச்செல்வி என்று சொல்லக்கூடாது.

இந்த இடத்தில் திரு என்பது திருமணம் என்ற பொருளில் வரவில்லை. செல்வம், அழகு, பொலிவு, நல்வினை, பாக்கியம் என்றே பொருள்படும். அது மட்டும் அல்ல. திரு என்பதற்கு மாங்கல்யம் என்றும் ஒரு பொருள் உண்டு. திருப்பூட்டுதல் என்றால் தாலிகட்டுதல் ஆகும்.

திரு என்பதற்கு இலக்குமி (லட்சுமி/லக்ஷ்மி) என்றும், கடவுள் தொடர்புடைய என்றும் பொருள். (எ.டு) திருமாங்கல்யம், திருவீதி உலா, திருவிளையாடல், திருப்பதி, திருமலை.

தமிழ்நாடு அரசு மேல்நிலை இரண்டாம் ஆண்டு பொதுத் தமிழ் விலையில்லாப் பாடநூல் அறுபத்து ஆறாம் பக்கத்தில் கீழ்க்கண்டவாறு உள்ளது.

பிற பின்பு, வணக்கம்.

அன்புடன்

ஆறுமுகம் நடராஜன்

பொன்னமராவதி புதுப்பட்டி, 

தற்போது மதுரையில் இருந்து.

Economically Weaker Sections (EWS)

The 103 Constitution Amendment Act brought in 10% reservation for Economically Weaker Sections (EWS) of society other than Backward Classes, Scheduled Castes, and Scheduled Tribes for admission to central government and private educational institutions and for recruitment in central government jobs.

The provision also covers private unaided educational institutions, except the minority educational institutions. Here, the economic backwardness is to be decided based on family income.

Impact of Constitution 103 Amendment Act 2019

• The 103 Constitutional Amendment Act modified Article 15 to allow the government to provide for the progress of economically weaker sections. It also amended Article 16 to facilitate the reservation of economically weaker sections up to 10 percent of all posts. This reservation is additional to the existing cap of 50 percent reservation for the Scheduled Castes, Scheduled Tribes, and the Other Backward Classes, thus resulting in about 60 percent total reservation.
• The act will facilitate more seats in higher education institutions like medical colleges, IIMs, IITs, NITs, etc.
• Reservation is provided under the 103 Constitutional Amendment Bill irrespective of religion and caste.

Eligible Beneficiaries of the 103 Constitutional Amendment Bill

The eligibility criteria of the beneficiaries are as follows:

• Those who have a family income of fewer than 8 lakhs annually or own agricultural land of fewer than 5 acres.
• Those who are not beneficiaries of any existing reservations.
• Those owning a house above 1,000 square feet or a plot of 100 yards.
• Those owning a residential plot less than 200 yards in a non-notified municipality area.

Challenges Ahead for Constitution 103 Amendment Act 2019

Many think that the 103 Constitutional Amendment Bill goes against the basic principles of Indian democracy. They argue that reservation can not be availed of on the basis of economic backwardness alone and must arise from social exclusion. Also, the Supreme Court has capped the reservations at a maximum of 50 percent, and that limit can not be exceeded.

As a result, within hours of the clearing of the Constitution 103 Amendment Act 2019 by the Parliament, a non-governmental organization Youth For Equality challenged it in the Supreme Court by filing public interest litigation. They argued that with the 103 Constitutional Amendment Act coming into force, the total reservation quota will go up to 59.5% which is against the Supreme Court ruling. Furthermore, it violates the fundamental principle of equality.

Another challenge that the act faces is deciding the economic backwardness criteria. Many experts opine that the income threshold prescribed is very high and has been fixed without obtaining or considering any report.

Role of States in the 103 Constitutional Amendment Act

Since this is a central law on employment and education, and employment and education are the subjects on which states and the central government both have jurisdiction, the state governments should validate the Constitution 103 amendment act 2019 before adopting it in the respective states.

With continued arguments over the need for legislation like the 103 Constitutional Amendment Act, authorities should ponder over alternative ways to facilitate the progress of economically weaker strata of the society.

Creating job opportunities, providing good educational infrastructure, offering scholarships can be some of the strategies to address economic inequality.

FAQs on 103 Constitutional Amendment Act

Q.1. What was the date when the 103 Constitutional Amendment Act came into effect?

Ans: The 103 Constitutional Amendment Act came into effect on 14th January 2019.

Q.2. Name the President who gave assent to the 103 Constitutional Amendment bill.

Ans: President Ram Nath Kovind gave assent to the 103 Constitutional Amendment bill.

Q.3. Which Supreme Court ruling is contravened by Constitution 103 Amendment Act 2019?

Ans: The Supreme Court ruled that the reservations should not exceed 50 percent, which is contravened by the Constitution 103 amendment act 2019.

Q.4. When was the 103 Constitutional Amendment bill first introduced in Parliament?

Ans: The 103 Constitutional Amendment bill was first introduced in Parliament on 8th January 2019.

புதிது புதிதாய்க் கிளம்பும் மூடநம்பிக்கைகள்

புதையல் மற்றும் எதிர்பாராத பண வரவை தரும் எள்:

எள்ளிற்கு எதிர்பாராத பணவரவு மற்றும் அதிர்ஷ்டத்தால் பண வரவை ஏற்படுத்தும் தன்மை உண்டு. சிறிய கண்ணாடி குப்பியில் எள் நிரப்பி வீட்டில், தொழில் செய்யும் இடத்தில் திறந்த படி வைத்திருக்க மேற்கண்ட நன்மைகளை எதிர்பார்க்கலாம். மாதம் ஒரு முறை பழையதை ஓடும் நீரில் விட்டு புதிதாக மாற்றி வரவும்.

அன்றாடம் பண வரவு பெற: 

காலை எழுந்து பல் துலக்கியதும் வெறும் வயிற்றில், ஒரு டம்பளர் நீரை கையில் எடுத்து கொண்டு வட கிழக்கு திசை நோக்கி,

 நாவை வாயின் மேல் புறம் படுமாறு மடக்கி வைத்து கொண்டு வாய் மூடி, மனதினுள்   

 "ஏராளம் தனம் தான்யம் தாராளம் தாராளம்" 

என்ற மந்திரத்தை 6 முறை ஜெபித்து பின் கண்கள் மூடிய நிலையில் வாய் திறந்து நீரில் ஊதவும். பின் அந்த நீரை குடித்து விடவும்.

நாள் முழுதும் எதிர்பார்த்த, எதிர்பாராத பணவரவு, நற்செய்திகள் மற்றும் உயர்வுகள் கொடுக்கும் சக்தி வாய்ந்த முறை இது. அனுதினமும் தேவைகள் உள்ள வரை செய்து வரலாம்.

காரிய வெற்றிக்கு: 

முக்கியமான காரியங்களுக்கு செல்லும் சமயம், அந்த காரியம் வெற்றியடைய சிறு வெள்ளை துணி அல்லது பேப்பரில் 5 கிராம்பு 5 பூண்டுகள் முடிந்து பாக்கெட்டில் வைத்து எடுத்து செல்ல, காரியம் பலிதமாகும்.

பண தட்டுப்பாடு நீங்க:

அடிக்கடி பணத்தட்டு பாடுகளில் சிக்கி கொள்வோர் 20 துளசி இலைகளை கொதிக்கவைத்து அதை குளிக்கும் நீரில் இட்டு,

 "ஓம் தன ப்ரதாயை நம" 

எனும் மந்திரத்தை மனதினுள் கூறிக் கொண்டே குளித்து வர, நாட்பட்ட பணப் பிரச்சனைகள் நீங்கும். தேவைப்படும் வரை செய்து வரலாம்.

அதிர்ஷ்டம்:

வளர்பிறை நன்னாளில் ஒரு சதுர வடிவ மஞ்சள் சார்ட் பேப்பரில் சிகப்புநிற மையால் ஸ்வஸ்திக் சின்னம் வரைந்து அதன் மேலே உங்களுடைய முழு பெயர், ராசி, நட்சத்திரம் எழுதி அதனுடன் பச்சை கற்பூரம் வைத்து லேமினேட்  செய்து சட்டைப் பாக்கெட் , பணம் வைக்கும் பர்ஸில் வைத்துக்கொள்ள நீங்கள் அதிர்ஷ்ட மழையில் நனைவதை கண்கூடாக காணலாம்..எதிர்பாராத அதிர்ஷ்டம் , தனவரவு 100% கிட்டும்.

உங்களுடைய வீட்டில் Jade Plant - எனும் செடியை பேரம் பேசாமல் வாங்கி வைத்து வளர்த்துவர எதிர்பாராத அதிர்ஷ்டம் , அதீத பணவரவும் கிட்டும். மணி பிளாண்ட் செடியைவிட பல மடங்கு அதிகம் பலன் தரும் jade செடியை வளர்த்துவர பொருளாதார ரீதியாக நீங்கள் மேன்மேலும் உயர்வதை கண்கூடாகக் காணலாம்.

கருங்காலி:

கருங்காலி மின் கதிர்வீச்சுகளை தன்னகத்தே ஈர்க்கும் சக்தி வாய்ந்தது. கோபுர கலசத்தினுள் சேர்க்கப்படும் பொருட்களில் ஒன்றாக இருக்கிறது. அதனால் இடி மின்னலால் எந்த பாதிப்பும் அந்த கோயிலை சுற்றி வசிக்கும் நபர்களுக்கு வருவதில்லை.

மகத்துவம் வாய்ந்த கருங்காலியை வழிபடுவதன் மூலம் குலதெய்வத்தின் அருள் கிடைக்க செய்யும். கருங்காலி கோல் வைத்திருப்பவர்களுக்கு வாக்கு சித்தி உண்டாகும்.

கருங்காலி மாலை நவகிரகங்களில் செவ்வாய் கிரகத்திற்குரியது. 

ஆண் பெண் என இருபாலரும் இந்த மாலையை அணிந்து பயன்பெறலாம்.

கருங்காலி மாலையை கழுத்தில் அணிந்து கொள்ளும் பொழுது நம் உடம்பில் உள்ள கெட்ட சக்திகள் கட்டுப்படுத்தப்படும்.கண் திருஷ்டி நீங்கும். நம்மை சுற்றி உள்ள பில்லி, சூனியம், ஏவல் இதுபோன்ற கெட்ட சக்திகள் நம்மை நெருங்காது. 

கண்திருஷ்டி , தீய சக்திகள் வீட்டிலிருந்நு உடனே வெளியேற எளிய பரிகாரம்:

உங்களுடைய வீட்டில் காலை வேளையில் அனைத்து அறைகளின் நான்கு மூலையிலும் சிறிதளவு வெண்கடுகை போட்டுவிட்டு 24 மணிநேரம் கழித்து அடுத்த நாள் காலை வெண்கடுகை கை கால் படாமல் துடைப்பத்தால் கூட்டிவாரி ஒரு பையில் போட்டு ஆறு,ஏரி,குளம்,கடல் ஏதேனும் நீர்நிலைகளில் போட்டுவிட கண்திருஷ்டி பில்லி , சூனியம்,ஏவல், தீய சக்திகள் உடனடியாக நீங்கி வீட்டில் பாசிட்டிவ் எனர்ஜி ,, குடும்ப ஒற்றுமை, நிம்மதி, சந்தோசம் அதிகரிப்பத்தை கண்கூடாக காணலாம்.

சாஸ்திர விதிகள்:

1.இறந்தவர்களின் ஆத்மாக்கள் வண்ணத்துப் பூச்சியினுள் புகுந்து இறப்பு ஏற்பட்ட நாளிலிருந்து கொஞ்ச காலம் வரை நம் வீட்டைச் சுற்றி வரும்.ஆகவே,மரணம் ஏற்பட்ட ஒரு வீட்டிற்குள் வண்ணத்துப்பூச்சி அடிக்கடி பறந்து வந்து கொண்டிருந்தால் அந்த வீட்டில் அந்த ஆன்மாக்களின் ஆசியால் சந்தோஷம்,சுபகாரிய நிகழ்வும்,தீர்க்காயுளும் உண்டாகும்.

2.சிங்கம்,புலி,கரடி ஆகிய கொடிய மிருகங்களின் பொம்மைகளை உங்களுடைய வீடுகளில் வைப்பதின் மூலம் எதிரிகளின் தொல்லை அடங்கும்.

3.தன்னைப்பற்றி பிறரிடம் சொல்வதன் மூலம் குறைந்து விடும் விஷயங்கள் இரண்டு. அவை பாவமும் புண்ணியமும்.

நாம் செய்யும் பாவங்களை நாமே பிறரிடம் கூறும் போது அதுவும் குறைந்து கொண்டே வரும்.

4.முறைப்படி மந்திரங்கள் ஓதி பிறர் மீது ஏவப்பட்ட செய்வினைக்கு 1008 நாட்கள் மட்டுமே சக்தி உண்டு.அதன் பிறகு அது செய்தவனையே திருப்பித்தாக்கும்.தான் செய்த வினையை தாமே அனுபவிப்பார்.

5. உங்கள் வீட்டில் துர்நாற்றம் வீசிக் கொண்டிருந்தால் கண்ணூறு தாக்கி இருப்பதாக உறுதி செய்து,உங்கள் வீடு முழுக்க உப்பு கலந்த நீரால் கழுவி விட்டால் கண்ணூரு போய்விடும்.

6.அடுக்கு அரளி,செம்பருத்தி பூக்களைக் கொண்டு பூஜை செய்வதினால் ஞானம் பெருகும்.தொழில் விருத்தியடையும்.

7.ஒரு பெண் கர்ப்பமான ஏழாவது மாதத்திலிருந்து அவள் குழந்தை பெற்ற முப்பதாவது நாள் வரை அவளது ஜாதகத்தைப் பார்த்து பலன் சொல்லுதல் கூடாது.

8.அன்னாச்சிப்பழம் ஓவியத்தை உங்கள் வீட்டில் சுவற்றிலோ அல்லது தொழிலகங்களின் முன்புற அறைகளிலோ வரைந்து வைத்தால் அதிர்ஷ்டம் தேடிவரும்.

9.ஆண் குழந்தை பன்னிரெண்டாவது மாதத்திலும்,பெண் குழந்தை எட்டாவது மாதத்திலும் பேசத் துவங்கும்.ஆகவே.பெண் குழந்தைக்கு எட்டாவது மாதத்திலும்,ஆண் குழந்தைக்கு பன்னிரெண்டாவது மாதத்திலும் சாதம் ஊட்டுதல் வேண்டும்.

10.சிகப்பு நிறம் நல்லதிர்ஷ்டத்தைக் குறிக்கும் நிறமாகும்.திருமணத்தின் போது மணமகள் சிகப்பு நிறப் பட்டாடை உடுத்துவது உத்தமம்.சிகப்பு நிற பெட்டியில்,அல்லது பீரோவில், சிகப்பு நிற பையில் பணம் சேர்த்து வைத்தால் அது மென்மேலும் பெருகும்.சிகப்பு நிறம் சோம்பேறிகளை சுறுசுறுப்பாகச் செயல்பட வைக்கும்.

11.தேங்காயைத் தானம் செய்தால் பசுவைத் தானம் செய்த பலன் உண்டாகும்.

12.ஒருமுறை கும்பாபிஷேகம் பார்ப்பது 100 முறை ஆலய தரிசனம் செய்வதற்கு சமம்.

13.வஸ்திர தானத்தால் சர்வ தேவதைகளும் சந்தோஷம் அடைகின்றனர்.ஆயுளும் விருத்தியாகின்றது.ஆகவே ஆயுளைப் பெருக்கும் வஸ்திர தானம் மிகவும் நல்லது.(ஆடை தானம்)

14.தேய்பிறை அஷ்டமியிலும் சதுர்த்தசியிலும் ஒரு வேளை சாப்பிட்டு விரதம் இருந்து சிவபெருமானைப் பூஜிப்பவர்களுக்கு வியாதிகள் நீங்கும்;உடல் வலிமை அதிகரிக்கும்.

15.சந்திராஷ்டமக் காலங்களில் செம்பருத்தி,அருகம்புல் இவைகளுடன் இடையில் மல்லிகை கட்டி கணபதிக்கும்,

திருமாலுக்கும் மாலையாக அணிவித்தால் பலகாரியங்கள் நல்ல படியாக முடியும்.

16.ஸ்ரீ சரபேஸ்வரர்,கோர்ட் வழக்கு களிலிருந்து நம்மை விடுவிக்கும் தெய்வம்.

ஒவ்வொரு ஞாயிற்றுக்கிழமை தோறும் ராகு காலத்தில் இவரை வணங்கி வந்தால் வழக்குகளில் வெற்றி உறுதி.

17.வங்கியில் கடன் வாங்க திங்கட்கிழமை உகந்ததாகும்.

18.செவ்வாய் கிழமையன்று கடன் வாங்குவதோ,வட்டி வரும் என்ற நோக்கத்தில் பணம் வட்டிக்கு விடுவதோ கூடாது.ஆனால்,ஏற்கனவே வாங்கிய கடனில் ஒரு சிறு அளவேனும் செவ்வாய் கிழமையன்று கொடுத்து விட்டால் வெகு விரைவில் கடன் முழுதும் அடைபட்டு விடும்.

19.நீண்ட கால வைப்பு நிதியில் வங்கியில் பணம் போட புதன் கிழமை உகந்ததாகும்.

20.வங்கியில் புதுக்கணக்கு ஆரம்பிக்க வியாழன்,வெள்ளி கிழமைகள் உகந்ததாகும்.

மேலும் தங்க பிஸ்கட் வாங்கவும் இவ்விரு நாட்களும் உகந்ததாகும்

21.மாலைச் சூரியனையோ ,

மதியச் சூரியனையோ, நமஸ்கரிக்கக் கூடாது.காலைச் சூரியனை அதுவும் காலை 8.00மணிக்குள்ளேயே கும்பிட வேண்டும்.அதுவும் எப்படி?குளித்து முடித்து ஈர உடம்போடு கும்பிட வேண்டும்.

22.பில்லி,சூனியம்,திருஷ்டி,ஏவல் போன்றவற்றால்,ஏற்படும் துன்பங்களிலிருந்து தற்காத்துக் கொள்ள,மகிழம்பூ மாலையை ஸ்ரீ நரசிம்மருக்கு,

சாற்றி சுதர்சனத் துதிகள் ஓதி வழிபட்டிடுக.

23.அறிமுகம் இல்லாதவர்கள் வீட்டிலோ,எதிரிகள் வீட்டிலோ,விருந்து சாப்பிடும் போது இதைத் தவிர்ப்பது நல்லது.இறைச்சியும்,உளுந்தும் வசியத்துக்கு ஏற்றவை.

குறிப்பாக கோழிக் குழம்பு,உளுந்த வடை ஆகியவைகளுக்கு இந்த சக்தி அதிகம் உண்டு.

24.விளக்கு எரியத் தொடங்கியவுடன் அந்த தீபத்துக்குரிய தேவதை ஆவாஹனமாகி விடுவதால் எரியும் விளக்குத் திரியின் கசடைத் தட்டுவதோ,திரியை நிமிண்டுவதோ கூடாது.

இதனால் வீண் சாபங்களும்,

தோஷங்களும் ஏற்படுகின்றன.

பதிலாக திரியை பெரிதாக்கி ஒளியைக் கூட்டலாம்.

25.அக்னியை வாயினால் ஊதி அனைப்பது முக்கியமான மரணச் சடங்குகளில் ஒன்றாகும்.

குன்றக்குடி முருகன் கோயில்

சிவகங்கை மாவட்டம் குன்றக்குடி எனும் ஊரில், குன்றின் உச்சியில் சண்முகநாதர், வள்ளி – தெய்வானையுடன், ஆறுமுகங்களும் பன்னிரு திருக்கரங்களுடன் காட்சி தருகிறார்.

மதுரையிலிருந்து காரைக்குடி செல்லும் வழியில், திருப்பத்தூர், பிள்ளையார்பட்டி கற்பக விநாயகர் கோயில் வழியாக, எண்பது கிலோ மீட்டர்  தொலைவில் இந்த முருகன் கோயில் உள்ளது.

பிள்ளையார்பட்டியிலிருந்து ஐந்து கிலோமீட்டர் தொலைவிலும், காரைக்குடியில் இருந்து பன்னிரண்டு கிலோமீட்டர் தொலைவிலும் உள்ளது. பிள்ளையார்பட்டி கோயில் திருப்பத்தூரில் இருந்து பன்னிரண்டு கிலோமீட்டர் தொலைவில் உள்ளது.

குன்றக்குடி முருகன் ஆலயத்தில் காவடி வழிபாடு மிகவும் சிறப்பு வாய்ந்ததாகும். மயில் உருவம் கொண்ட மலை மீது இந்த மூலவரான சண்முகநாதர் வீற்றிருந்து அருள்பாலிக்கிறார். முருகப்பெருமானின் சாபத்தால் மயிலே, மலையாகிப்போனதாகவும், அந்த மலைமீதுதான் முருகப்பெருமான் வீற்றிருப்பதாகவும் தலபுராணம் கூறுகிறது.

ஒரு முறை அசுரர்கள், தேவர்களை அழிக்கும் நோக்கில் செயல்பட்டனர். அப்போது முருகப்பெருமானின் மயிலிடம் அசுரர்கள், ‘நான்முகனின் வாகனமான அன்னமும், திருமாலின் வாகனமான கருடனும் நாங்கள்தான் மயிலை விட சக்தி படைத்தவர்கள், வேகமாக பறக்கக் கூடியவர்கள் என்று கூறுகின்றன’ என்று பொய் கூறினர். இதைக் கேட்டு கண் மூடித்தனமாக கோபம் கொண்ட மயில், பிரம்மாண்ட உருவம் எடுத்து, கருடனையும், அன்னத்தையும் விழுங்கிவிட்டது.

இதுபற்றி பிரம்மனும், திருமாலும், முருகப்பெருமானிடம் சென்று முறையிட்டனர். அவர்களின் வேண்டுதலை ஏற்ற முருகப்பெருமான், மயிலிடம் இருந்து அன்னத்தையும், கருடனையும் மீட்டுக் கொடுத்தார். மேலும் தவறான வார்த்தைகளைக் கேட்டு, கண்மூடித்தனமாக நடந்துகொண்ட மயிலை, மலையாக மாறிப்போகும்படி சாபமிட்டார். மயிலும் தன் தவறை உணர்ந்து அரச வனத்துக்கு (குன்றக்குடி) வந்து மலையாகிப்போனது. மலையாக இருந்தபடியே முருகப்பெருமானை நோக்கி தவம் இருந்தது. தவத்தில் மகிழ்ந்த முருகப்பெருமான், மயிலுக்கு சாபவிமோசனம் அளித்தார். பின்னர் மயில் உருவத்தில் இருந்த அந்த மலை மீதே எழுந்தருளி அருள்புரிந்தார்.

இங்கு முருகப்பெருமான், சண்முகநாதர் என்ற திருநாமத்துடன், ஆறுமுகங்களோடும், பன்னிரு கரங்களோடும் எழுந்தருளியுள்ளார். செட்டி முருகன், மயூரகிரிநாதர், மயில் கலைக்கந்தன், குன்றை முருகன், குன்றையூருடையான், தேனாறுடையான் என்பது இத்தல முருகனின் வேறு பெயர்களாகும். 

இத்தலம் அருணகிரிநாதரால் பாடல் பெற்ற ஸ்தலம். அருட்திரு பாம்பன் குமரகுருதாச சுவாமிகளும் முருகனைப்பற்றிப் பாடியுள்ளார்.

இங்கு நாரதர், கண்ணபிரான், சூரியன், விஸ்வாமித்திரர், வசிஷ்டர், கருடன், மன்மதன் மற்றும் இந்திரனும் தேவராதியருடன் செட்டிமுருகனை வழிபட்டதாக தகவல்கள் கூறுகின்றன.

பங்குனி உத்திரத்திலும், தைப்பூசத்திலும் பக்தர்கள் சேவடி தேய காவடியும், பால் போல் பெருகிவாழ பாற்குடமும் எடுத்து தேனாற்றுடையானை வணங்குகின்றனர்.

மேலும், சித்திரையில் பால் பெருக்குவிழா, வைகாசி விசாகம், ஆனி மகாபிஷேகம், ஆடியில் திருப்படி பூஜை, ஆவணி மூலப்பிட்டுத் திருவிழா, புரட்டாசி மாதம் அம்பு போடும் திருவிழா, ஐப்பசியில் சூரனை வேலால் சம்கரிக்கும் கந்தர் சஷ்டி விழாவும் மிக மிக விமரிசையாகக் கொண்டாடப்படுகின்றன.

இங்கு சண்முகநாதரும், அவர்தம் துணைவியரும் தனித்தனி மயில் வாகனத்தில் எழுந்தருளி அருள்பாலிப்பது ஆணும், பெண்ணும் சரிசமம் என்பதை உணர்த்துகின்றது.

தோல் வியாதிகள் நீங்க, சரவணப் பொய்கை தீர்த்தத்தில் நீராடி, இடும்பன் சன்னதியில் உப்பும், மிளகும் போட்டு வணங்குகின்றனர்.

நல்ல மகசூல் பெற்ற விவசாயிகள் தானியங்களை காணிக்கையாகச் செலுத்துகின்றனர். மேலும் நெல் மணிகளையும், அரிசியையும் மலைப்படிகளில் தூவி வேண்டுதலை நிறைவேற்றுகின்றனர்.

உயிர்காக்க விரும்பி ஈடாக, ஆடு, மாடு, கோழி முதலிய கால்நடைகளை மயூரகிரிநாதனுக்கு நேர்த்திக் கடனாகச் செலுத்துகின்றனர்.

அன்னதானம் செய்து ஏழைகளின் அரும்பசி ஆற்றுகின்றனர்.

ஜாதகம் சாதகமாய் இல்லாக் குழந்தைகளை, சண்முகநாதனுக்கு தத்துக் கொடுத்துவிட்டு, அக்குழந்தைகளை அவர்கள் திருமணத்திற்குச் சிலநாட்கள் முன்பு, அவனிடமிருந்து  தத்தெடுத்து பெற்றுக் கொண்டு குழந்தைகளின் தலை எழுத்தையே மாற்றும் விந்தை இக்கோவிலின் தனிச்சிறப்பு. 

அருணகிரிநாதர், திருப்புகழில் பல இடங்களில் குன்றைநகர் வேலனை “குருநாதா” என்று வர்ணிப்பதின் மூலம் சண்முகநாதர் உலக மாந்தர்க்கு ஞானத்தை வழங்கும் குருவாக இங்கு எழுந்தருளியுள்ளார் என்பது கருத்து.

அதேபோல, குன்றக்குடிப் பதிகமும் முருகனை குருநாதனாக வர்ணிக்கிறது. இப்பதிகத்தைப் படித்தால் மனிதர்க்கு இவ்வுலகில் தேவையான செல்வம், புகழ், வெற்றி ஆகியன தங்குதடையின்றிக் கிடைக்கும். முக்கியமாக, குழந்தை வரம் வேண்டும் தம்பதியர் மனமுருகிப் பாடினால் நல்ல அழகான, ஞானத்தோடு கூடிய பிள்ளைகள் பிறக்கும் என்பது திண்ணம்.

இந்த ஆலயம் காலை 6 மணி முதல் பகல் 11 மணி வரையும், மாலை 4 மணி முதல் இரவு 8 மணி வரையும் திறந்திருக்கும்.

ஆறிரு தடந்தோள் வாழ்க; அறுமுகம் வாழ்க;

வெற்பைக் கூறுசெய் தனிவேல் வாழ்க; குக்குடம் வாழ்க;

செவ்வேள் ஏறிய மஞ்ஞை வாழ்க; யானைதன் அணங்கு வாழ்க;

மாறிலா வள்ளி வாழ்க; வாழ்க சீர் அடியாரெல்லாம்!

                                   __கந்தபுராணம்

பொருள்:

பன்னிரு தோள்கள் வாழ்க; ஆறுமுகம் வாழ்க; மலைபிளந்த வேல் வாழ்க; சேவல் வாழ்க; மயில் வாழ்க; தெய்வயானை தேவியார் வாழ்க; வள்ளியம்மை வாழ்க; நல்லடியார் அனைவரும் வாழ்க!

 வெற்றிவேல் முருகனுக்கு அரோகரா!

 பிற பின்பு, வணக்கம்.

அன்புடன்

ஆறுமுகம் நடராஜன்

பொன்னமராவதி புதுப்பட்டி, தற்போது மதுரையில் இருந்து.

ஃபேஸ்புக்கில் என் பதிவு

நான் படித்துக்கொண்டிருந்தபோது பொன்னமராவதி புதுப்பட்டியில் பேட்டையார் மண்டகப்படி என்று ஒரு திருவிழா விடியவிடிய நடக்கும். பெரிய பெரிய வித்வான்களின் இசைக் கச்சேரி, நாடகம், பாட்டுக் கச்சேரி, கரகாட்டம், குறவன் குறத்தி ஆட்டம், த.பி. சொக்கலால் ராம் சேட் பீடிக்காரனின் 16 மிமீ திரைப்படம், நிஜாம் லேடி புகையிலைக்காரனின் 16 மிமீ திரைப்படம், தண்ணீர்ப் பந்தல், பானகம், நீர்மோர், பலூன், ஊதல், சவ்வு மிட்டாய், என்று ஒரே கொண்டாட்டம். பொன்னமராவதி பட்ட மரத்தான் திருவிழா, வலையபட்டி மலையாண்டி திருவிழா, கொன்னையூர் முத்துமாரி திருவிழா, குன்னக்குடி வயலின் வலையபட்டி தவில் என்று அமர்க்களப்படும். தினமும் மூன்று ஷோ சினிமா. லீவு நாட்களில் 4 ஷோ. ரெண்டு சினிமாக்கள். 40 பைசாவிலிருந்து ஒன்னேகால் ரூபாய் வரை டிக்கெட். 24 மணி நேரமும் எங்கு சுற்றினாலும் உணவு, டீ, காபி, உண்டு. புதுப்பட்டி டீ கடைகளில் கதவுகள் இல்லை. அரசியல் மேடைகள் மாலையில் முழங்க ஆரம்பித்தால் அதிகாலை 3 மணிவரை நடக்கும். தீப்பொறி ஆறுமுகம், நன்னிலம் நடராஜன், போலீஸ் கண்ணன், சிதம்பரம் வீரக்கனல் ஜெயவேல் என்று பேச்சாளர்கள் சும்மா விளாசித் தள்ளுவார்கள். எம்ஜிஆர் வருகிறார், வந்து கொண்டிருக்கிறார், இதோ வந்துவிட்டார் என்று சொல்லிக் கொண்டே இருப்பார்கள். பண்டிகைக் கால இரவுகளில் துணிமணிகளை காண்டா விளக்கு வெளிச்சத்தில் ஏலம் விடுவார்கள். நேபாளத்து ஸ்வெட்டரும், லண்டன் எவர்சில்வரும், மலிவாகக் கிடைக்கும். ரேடியோ மைதானத்தில் பாவைக்கூத்து நடக்கும். சைக்கிள் சந்திரன் ராப்பகலாக தரையில் கால் ஊன்றாமல் சைக்கிள் ஓட்டி சாகசம் செய்வார். மேல்நிலை நீர்த்தேக்க பில்டிங்கில் லைப்ரரி செயல்படும். ஷோ கொட்டகையில் சூதாட்டம் நடக்கும். சின்னமனூர் ஃபேமஸ் சர்க்கஸ் நடக்கும். வெளியூர் வியாபாரிகள் அண்டர்வேர் நிரம்பப் பணத்துடன் செகண்ட் ஷோ படத்தை ராத்திரி பார்த்து விட்டு அதிகாலை பஸ் பிடித்துப் போவார்கள். பொன்னமராவதி to மெட்ராஸ் பஸ் கட்டணம் 20 ரூபாய். இராமாயண மடத்தருகில் உள்ள க்ளப்பில் சீட்டாட்டம் நடக்கும். மணி வண்டியில் பக்கோடா மிக்சர் காராச்சேவு முருக்கு அதிரசம் 10 பைசா. உடுப்பி ஸ்ரீ கிருஷ்ணபவனில் ரெங்கையர் போடும் 50 பைசா காபியை காலையில் 5 மணிக்கு பித்தளை வட்டாக்கப்பில் குடித்தால் 8 மணி வரைக்கும் பசிக்காது. பிற பின்பு அன்புடன் ஆறுமுகம் நடராஜன்.

( ஃபேஸ்புக்கில் 2021 மே 15 அன்று நான் இட்ட பதிவு)

ஃபேஸ்புக்கில் கண்ட மூட நம்பிக்கை

🌹🌿பசுவைப் பார்த்தால் சுப சகுனம் ............🌿🌹

🌹🌿தேவர்களும் அசுரர்களும் பாற்கடலைக் கடைந்தபோது பாற்கடலில் இருந்து ஐந்து பசுக்கள் வெளிப்பட்டன. அவை நந்தா, பத்திரை, சுரபி, சுசீலை, சுமனை ஆகியவை. இவை பொன்னிறம், கருமை, வெண்மை, புகை, சிவப்பு நிறம் கொண்டிருந்தன. இவற்றின் சந்ததிகளே பூலோகத்தில் நமக்கு உதவியாக இருந்து வருகின்றன.

🌹 🌿 இவற்றில் இருந்துவரும் கோமயம்(சாணம்), கோமூத்திரம் (கோமியம்), பால், தயிர், வெண்ணெய் ஆகிய ஐந்தும் புனிதமானவை.

🌹 🌿 இவற்றை குறிப்பிட்ட அளவில் கலந்து சிவபெருமானுக்கு செய்யும் அபிஷேகமே "பஞ்சகவ்ய அபிஷேகம்' எனப்படுகிறது.

🌹 🌿 இப்பசுக்களில் மும்மூர்த்திகள், சத்தியம், தர்மம் என்று எல்லா தேவதைகளும் வசிக்கின்றனர்.

🌹 🌿 செல்வவளம் தரும் திருமகள் இதன் பிருஷ்டபாகத்தில்(பின்பாகம்) வசிக்கிறாள். இப்பகுதியை தொட்டு வழிபட்டால் முன்ஜென்ம பாவங்கள் விலகும்.

🌹 🌿 காலையில் எழுந்ததும் பசுவைத் தொழுவத்தில் காண்பது சுபசகுனம்.

🌹 🌿 தெருக்களில் கூட்டமாகப் பார்த்தால் இன்னும் விசேஷம்.

🌹 🌿 பாற்கடலில் பிறந்த ஐந்து பசுக்களும் கோலோகம் என்னும் பசுவுலகில் இருந்து அருள்பாலிப்பதாக ஐதீகம்.

🌹 🌿 பசுவைத் தெய்வமாக வழிபட்டால் கோலோகத்தை அடையும் பாக்கியம் உண்டாகும்.