பஞ்சை தக்கிளியின் துணைகொண்டு நூல் நூற்று மகிழ்வோம். பூக்கடைகளில் நூல் கட்டை மிஞ்சும். அதை வைத்து மாலை செய்யக் கற்றுக் கொடுத்தார்.
Plywood எனப்படும் மூவொட்டுப் பலகையை வைத்துக் கொண்டு இடுப்பு பெல்ட் செய்வது எப்படி என்று சொல்லிக் கொடுத்தார்.
அவர் பாடம் நடத்தும் இடமே ஒரு தறி நெசவுக் கூடம் ஆகும். கையையும் காலையும் வைத்து எப்படி நெசவு செய்ய வேண்டும் என்று சொல்லிக் கொடுப்பார்.
உழைப்பின் வாரா உறுதிகள் உளவோ?
பொதுவாக அவருக்குக் கோபம் வராது. வந்தால் நூல் கண்டால் அடிப்பார். அது நம் நன்மைக்கே ஆகும்.
"அடி உதவுவது போல அண்ணன் தம்பி உதவ மாட்டார்கள். "
"கைத்தொழில் ஒன்றைக் கற்றுக்கொள்; கவலை உனக்கில்லை ஒத்துக்கொள்"
என்பதற்கு ஏற்ப நான் படித்த பள்ளியில் எல்லாவற்றையும் சொல்லிக் கொடுத்தார்கள்.
இப்போது கைத்தொழில் அற்றுப் போய்விட்டது. சுவரில் ஆணி அடிக்கக் கூட மின்சாரம் தேவை.
மரம் வெட்டுதல், கடைதல், தங்க நகை செய்தல், சிலை செய்தல், வீடு கட்ட கலவை ஆக்குதல், ரோடு போடுதல், எல்லாமே இயந்திரமயமாகி விட்டது.
விசைத்தறி கம்ப்யூட்டர் மயம் ஆகிவிட்டது.
இருப்பினும் என்னிடம் ஊசிநூல் இன்னும் உள்ளது. A stitch in time saves nine. ஆகவே அப்போதைக்கப்போது கிழிந்த துணிகளை நானே கைத்தையல் போட்டுக்கொள்வேன்.
என்னுடைய ஹீரோ ஹோண்டா CD 100 SS மோட்டார் பைக்கின் பேட்டரி டெர்மினல்களை நானே Soldering iron கொண்டு பற்றவைத்துக் கொள்வேன்.
பழைய டிரான்ஸிஸ்டர் ரேடியோவை நானே பழுதுபார்த்துக் கொள்வேன்.
இதற்கு எல்லாம் உறுதுணை என் அப்பா மட்டும் அல்ல. V.V.H.S. Craft period ம் ஆகும்.
பிற பின்பு.
வணக்கம்.
அன்புடன்
பொன்னமராவதி புதுப்பட்டி ஆறுமுகம் நடராஜன் மதுரை சம்பந்தர் ஆலங்குளத்தில் இருந்து...
கருத்துகள் இல்லை:
கருத்துரையிடுக
தங்களின் மேலான கருத்தைப் பதியவும்.