தமிழிசைப் பாடல்கள்
பாடல்: மக்கள் நலத்திற்கு மதமா
ஆல்பம்: தமிழிசைப் பாடல்கள்
பாடியவர்: புஷ்பவனம் குப்புசாமி
இயற்றியவர்: புரட்சிக்கவிஞர் பாவேந்தர் பாரதிதாசன்
ராகம்: சிந்து இசை
தாளம்: ரூபகம்
முன்னுரை: நா அருணாச்சலம் (தலைவர், தந்தை பெரியார் தமிழிசை மன்றம்)
விஜய் மியூஸிக்கல்ஸ்
வீடியோ: கதிரவன் கிருஷ்ணன்
Song: Makkal Nalathirku Madhamaa
Singer: Pushpavanam Kuppusamy
Lyrics: Puratchikavingar Paavendhar Bharathidasan
Raga: Sindhu Isai
Tala: Rupakam
Introduction: Na Arunachalam (Leader, Thandhai Periyar Thamizhisai Mandram)
Vijay Musicals
Video: Kathiravan Krishnan
பாடல்வரிகள் (LYRICS):
மக்கள் நலத்திற்கு மதமா - இல்லை
மதத்தின் நலத்திற்கு மக்களா
சொல்வீர் மக்கள் நலத்திற்கு மதமா - இல்லை
மதத்தின் நலத்திற்கு மக்களா
திக்கெட்டும் உள்ளவர் யாவரும்
ஒன்று சேராது செய்வதே மதமாகுமானால்
பொய்க்கட்டு நீக்குதல் வேண்டும் - அந்த
பொய்க்கட்டு நீக்குதல் வேண்டும்
அப்பொல்லாங்கில் எல்லாரும் நீங்குதல் வேண்டும்
எல்லா மதங்களும் ஒன்றே - அவை
எல்லாரும் இன்புற்று வாழ்வீர்கள் என்றே
சொல்லால் முழங்குவது கண்டீர் - அவை
துன்புற்று வாழ்த்திடச் சொல்லியதுமுண்டோ
எல்லாரும் மக்களே ஆவர் - இங்கு
எல்லாரும் நிகராவர் எல்லாரும் உறவோர்
எல்லாரும் ஒருதாயின் செல்வர் - இங்கு
எல்லாரும் ஒருதாயின் செல்வர்
இதை எண்ணாத மக்களை மாக்கள் என்போமே
வழிகாட்டும் மதமெல்லாம் இங்கே - நல்ல
பழிகாட்டி ஆனபின் வழிகாட்டிடாமலே
பழிகூட்ட வைத்திருப்பீரோ - நீர்
பகைகூட்ட மதமென்ற மொழிகூட்டலாமோ
பிழியாக்கரும்பினிலே சாற்றை - நீர்
பெற்றபின் சக்கையை மக்களுக்கு அளித்தே
அழிவைப் புரிந்திடுதல் நன்றோ - நல்
அன்பால் வளர்ந்திடுக இன்பநல்வாழ்வை
மதத்தின் நலத்திற்கு மக்களா - இல்லை
மக்கள் நலத்திற்கு மதமா
From: https://www.youtube.com/watch?v=yro1zRbVA_Y
கருத்துகள் இல்லை:
கருத்துரையிடுக
தங்களின் மேலான கருத்தைப் பதியவும்.